最近接受訪問，記者要求我一改過去風格，唔著西裝。
其實我唔係個官仔骨骨嘅人 – 你睇我個頭就知。我甚至唔係個喜歡整齊嘅人。我啲衫，其實望落幾隨意。你以為我著西裝，其實也就係恤衫、布褲、西裝類嘅jacket。
點解咁樣著？因為 safe-proof。無論咩場合咁著，一定穩陣。會否太formal？你套衫夠亂其實就得。唔係貴嘢就OK。出街，因為我嘅衣著風格，實在省卻不少時間。
有冇發現自己買過啲好似好靚、亮麗繽紛嘅衫，然後其實冇乜點著過？係，呢個就係經驗嘅教訓 – 日常生活習慣後，你根本唔會想特別著啲咩。
有冇留意過陶傑，幾乎一年四季都係著嗰件黑色軟布西裝外套，沉實到一個點。偶像。
最重要的是，著得隨便，係自信嘅表現。你係同所有人講緊: “I don’t care.”
你更加係同人講緊: “Look beneath what I am wearing.”
你又真係要有足夠內涵先夠薑。
僅致今時今日越來越被各種好似「佬訊」嘅 Style 網頁洗腦嘅男士。
