踏入2018早春，一眾街拍達人已經急不及待提示大家今個春夏必需關注－「薰衣草色」！其實哩個色調喺上年秋冬已經不經以地滲入各大時裝舞台，直至今季更加係大流行，好多國際大品牌以至街頭潮牌都相繼推出薰衣草色嘅產品，所以一向緊貼潮流嘅你一定要留意啦！
-
由衣著入手
想跟上薰衣草紫嘅潮流，最好不過從衣著上入手，只要一件薰衣草色嘅單品已經足夠反映出你對潮流嘅觸覺，而且配襯容易，相信一眾女生們都可以輕易掌握得到。
-
品牌效應
各大潮牌已經推出一系列春夏產品，當中唔少用咗薰衣草紫做主色調，如果想型格地追上大潮流，就要快啲入手，為轉季做好準備啦！
-
打造浪漫髮色
如果想更突出今季顏色潮流，可以大膽嘗試染一頭薰衣草紫髮！大部分髮型師都認為紫色系髮色可以令人顯白，小編覺得值得一試！
【延伸閱讀】2018最新流行色「Baby Light」瞬間變成混血女神
-
化出潮流妝容
喜愛化妝嘅女士們趁著薫衣草色大流行，可以將經常被遺忘嘅紫色眼影重新塗到眼蓋上啦！只要配合濃密睫毛液丶眼線以及漸變效果，淡淡嘅紫色眼影都相當迷人。
-
低調中追隨
假如你想低調而不平凡，塗上薰衣草紫嘅甲色就最好不過，一舉一動都不經以流露著浪漫氣息，又可以追上大潮流，喺一個唔錯嘅選擇。
要成為潮流達人一啲都唔難，不過小編就唔太建議由頭到腳都tone on tone薰衣草色啦！除非你有超強搭配技巧，如果唔係可能有點嚇人呢！
資料來源：
Instagram.com
