「個個都識發夢，唔通個個都識解夢咩？」。有醫學研究指出，發夢就係生理上將日常生活中所得經驗擷取，然後作為學習記憶嘅素材。所以無論惡夢定美夢，其實都係好夢。以下就有五個夢境小常識，大家不妨了解一下！
1.發夢多與少
夢多夢少唔等於你瞓醒之後有無印象，一個人一晚可能會發好多個夢。每當瞓覺時係快速動眼期甦醒嘅人，夢境都會記得。因為呢個睡眠階段主要係發夢嘅時間，呢個時候瞓醒會對夢境嘅記憶非常鮮明，自然覺得好似發好多夢。
2.夢境內容從何而來
根據佛洛伊德研究，夢境會反映潛意識需求。夢境內容亦可能來自外界刺激，例如小朋友尿床時，夢中會喺度游水相呼應。夢境同樣反映內心渴求嘅慾望，正所謂日有所思夜有所夢就係呢一種。
3.睡姿影響夢境
瞓覺姿勢會影響夢境例如：仰睡容易唔記得夢境內容丶左側睡就比較容易發惡夢，引起負面情緒丶右側睡多數形成平靜愉悅夢境丶趴睡可產生被困住或囚禁嘅夢境丶將臉蒙住瞓，可能同性有關。
4.夢境反映隱藏疾病
不單止夢嘅情緒同身體互相連結，夢境情節亦會指引著身體特殊嘅疾病，可以參考以下呢個表格，如果有類似夢境，就要及早去搵醫生為身體做檢查啦！
5.夢境可以控制
醫學研究指出，透過自我暗示內容可以改變夢境內容，只要四個步驟就可以奪回夢境控制權。首先喺白天時，界定清醒同夢境兩種狀態。到晚上瞓覺時突然醒來，就不斷同自己講跟住係夢裡要做嘅事。亦可以喺睡前，自我暗示內容，進行簡單夢境操控。當你可以控制簡單夢境之後，就可以嘗試編織比較複雜嘅夢，例如對抗夢境中可怕嘅橋段。
了解更多夢境對自身嘅啟示，大家可以預早知道身體健康狀況，而且好好享受每一次夢境之旅呢！
