人體全身佈滿汗線，即使雙腳亦唔例外，如果整天雙腳都焗係鞋內，無足夠透氣，加上無定期清潔鞋子，一除鞋就會產生陣陣異味。如果到訪朋友家，就變得超尷尬啦！避免以上情況發生，有以下五個小方法。
1.足部保養
對付腳臭問題，足部保養非常重要！除咗平日要保持腳底、腳指間及指甲嘅清潔外，亦要多做去角質護理，可以用浮石輕擦腳跟，建議再配合足部磨砂膏清潔，效果會更佳。
2.使用止汗劑
避免有腳臭異味，係著襪之前，必須徹底讓雙腳保持乾爽，然後可利用足部專用嘅止汗產品，建議先將止汗乳液塗於腳上，再加上止汗噴霧，加倍防臭！
3.注意襪子質料
為解決著鞋時散發嘅臭味，揀選適當襪子材質都好重要。最好具有吸濕功能，尤其建議底部附有吸汗墊嘅襪子。二女士們好鍾意着嘅襪褲，因為吸汗能力一般，所以可免則免啦！
4.勤換襪子
如果你屬於多腳汗嘅朋友，為避異味附係鞋子或雙腳上，建議平時多帶一對襪替換，而著過嘅襪先裝入密實袋中，就不會散發臭味啦！
5.多做鞋子保養清潔
鞋子保養都係防範腳臭嘅重點之一，盡量避免連續著同一對鞋，需要保持鞋子通爽而且要使用鞋子專用嘅噴霧，徹底進行解決腳臭嘅對策。
總括而言，解決腳臭異味問題，需要由內到外作全面保養，持之以恆，尷尬場面就唔會再出現啦！
資料來源：instagram.com
