每次到日本旅遊都必定會到藥妝店，瘋狂購買護膚品丶面膜等等，但如果你懂得配合美容儀器去使用護膚品，效果更加事半功倍，就等小編為大家介紹一下，近年最受日本女生歡迎嘅家用美容儀啦！
1.ReFa面部微電流按摩儀
ReFa推出嘅呢支美容滾輪，含有白金成份，滾輪間以70°角設計，滾動時v型部分能緊貼面部，再配合儀器上高科技太陽能板，係按摩時會透過面板傳送微電流刺激皮膚，達至瘦臉美容效果，所以廣受愛小顏嘅女生歡迎！
2.Panasonic納米離子風筒
相信香港女生們對呢款風筒都唔會陌生，係往年日本市場上曾經被搶購一空，一度缺貨，原因大概係因為呢款風筒有一大賣點，就係風筒發放出嚟嘅納米離子含水量比負離子高出約1000倍，可以滋潤頭髮，近九成人使用後都感覺到髮絲有明顯改善，變得柔順。
3.Ya-Man 紅外線射頻美容儀
Ya-Man深明大部份女生們都追求緊致小顏，所以迎合市場需求，推出呢部內置可以令膠原蛋白增生嘅RF LED模式，並且具備可以收細毛孔丶緊緻肌膚嘅冷凍模式，所以呢款紅外線美容儀就大受日本女生歡迎，加上佢同時有導出導入潔膚、保濕功能，兼備震動及冷熱交替，絕對係集多功能於一身嘅家用美容儀器！
4.KOIZUMI音波磁氣美髮梳
要令頭髮亮麗有光澤，按摩頭皮係其中一種方法，呢款音波磁氣梳，主打每分鐘旋轉 6000 次，利用音波震動產生強力磁氣，不單止可以按摩頭皮，仲能夠去除頭髮靜電，令頭髮健康亮澤！
5.Hitachi導入儀
Hitachi推出嘅導出導入儀口碑極好，有出色嘅導出清潔功能，新出嘅一款更加入左溫感功能，分成溫熱清潔、溫熱保濕、溫熱面敷以及冰肌模式，同時有齊潔膚保濕嘅效果，難怪多年嚟都咁受日本女生歡迎！
下次遊日嘅時候不妨留意一下呢幾款美容儀器，可能你都會忍唔住入手一兩樣呢！
