減肥瘦身係每位女士嘅終身職業，嚟到冬天難免會想偷懶，但寒冷天氣令新陳代謝減慢，所以更加應該跑出嚟將肥肉減掉！以下介紹五個飲食小提示，可以將冬日肥肚肚踢走，大家一齊動起來吧！
1）早餐
眾所周知早餐係每日最重要嘅一餐！但又有幾多人可以遵守每朝食早餐嘅習慣呢？研究顯示，有食早餐比無食早餐嘅人減肥成功率較高，所以如果想減走脂肪，就應該要養成每日食早餐嘅習慣啦！
2）多吸收蛋白質
如果想踢走肥肚腩，最主要控制吸收嘅碳水化合物及糖分，盡量避免選擇升糖指數較高嘅食物，例如：白麵包丶糕點等等，應該揀選可以提供較多蛋白質及健康脂肪嘅食品，例如：雞蛋丶牛油果等等。
3）綠茶
於早餐中加入一杯綠茶，可以幫助減肥。研究顯示，如果連續12星期飲用綠茶，腰圍會明顯減少，而且綠茶對皮膚及身體健康都有益處，所以不妨一試。
4）香蕉
香蕉絕對係早餐中最佳選擇，因為香蕉可以抵抗引致腹脹嘅鈉，同時又可以保留水份一整日，而且當中所含鉀質對身體有益，係飽肚又健康嘅選擇。
5）麥片
麥片中含有豐富纖維素，可以促進腸道蠕動幫助排便，從而避免過多廢物積聚，減低腹脹嘅機會。而且麥片對心血管都有益，可以達致健康減肥嘅效果。
如果今個冬天增磅不少，可以根據以上五個飲食小習慣，將冬日脂肪一一踢走。
