人人都希望食得健康又唔易肥，為此需要懂得揀飲擇食，最近美國不少營養師將五款食物列為「never eat again food」，因為呢類食物不但完全無營養效益，更帶來大量健康風險，如果想瘦、想健康，都要留意啦！
1）白麵包
製作白麵包過程中，所有維他命、礦物質、纖維及其他重要營養都會被帶走，而精製麵粉更被氯氣及溴化物漂白過，兩種都係對身體有害嘅物質。
2）雪藏食物
冷藏pizza、義大利麵之類，呢類食物一般都含有大量防腐劑、加工鹽及其他人造添加劑，而且預先被煮熟後，當買回家再經微波爐翻熱，營養已所剩無幾，但就蘊含大量加工物，對身體無益。
3）任何低卡食品
由於低卡食物要保持食物味道又要減少卡路里，當中部份會加入人造糖，即係代糖，會引起神經、腸胃及內分泌問題，而部分更蘊含化學味精，損害健康。
4）白飯
白飯與白麵包一樣，白米於生產過程中已除去大部份營養，而白米要變白亦要除去原有穀皮，人體吸收後只剩下糖份，因而令體內血醣上升。
5）爆谷
將玉米變成爆谷時，加入大量鹽及其他化學物用以增加味道，爆谷本身已非常唔健康，而經微波爐烹調後更蘊含化學成份，會直接損害肺部。
正進行減肥計劃嘅朋友，緊記要避開以上五類食物，否則就徒勞無功了。
