減肥瘦身並唔係最難，而係要保持美好身段不再反彈先係最大難題，尤其是冬天過後因為天冷令食慾增加，因而攝取較多熱量，但往往缺乏運動，加上冬天身體冰冷減少燃燒脂肪，就著以上狀況，日本有一篇文章就得出肥胖人士都有共同習慣，指出如何從生活習慣著手，避免陷入肥胖反彈不斷循環嘅危機。
1）太夜食晚飯
現代人生活忙碌難免會太夜食晚餐或者有食宵夜習慣，假如進食時間太接近瞓覺時間，就會造成腸胃消化減慢，容易形成肥胖體質，所以想減肥的話，務必喺九點以後不進食，倘若非進食不可就一定要俾腸胃兩個小時嘅消化時間再去瞓覺，減少變胖機會。
2）房間太亂
研究指出當房間過於雜亂時，心裡會不由自主地產生壓力，壓力荷爾蒙嘅皮質醇就會增加 ，皮質醇分泌過盛的話，令血糖値上升，抑制免疫系統，造成精神壓力丶食慾大增丶脂肪因而囤積。
3）經常使用扶手電梯梯/升降機
基本上運動隨時隨地都可以做，但偏偏要搭電梯或扶手電梯而放棄行樓梯，雖然好似只係日常瑣碎事，但如果將可消耗嘅熱量累積起其實都非常可觀呢！
4）早餐過多澱粉
現代人貪方便好多時早餐都會選擇麵包，雖然澱粉容易轉化成能量丶有飽足感，但當血糖值急升後急降，就會更易產生餓感。其實可以選擇米飯或全麥麵包等，以上食物比較難消化，可以幫助血糖穩定地上升及下降，不過市面上好多全麥麵包所含油脂都唔少，選購時要多加留意。
【延伸閱讀】女生拍拖愈久，只會增加自己的肥胖機會率 — 5大原因 解釋愈減愈胖的原因
5）經常逛超市
不少人都有逛超市習慣，此行為就正正為你增加體重。超市中商品每一個陳列細節都希望消費者增加購買商品嘅機會，有時候隨便逛逛都買走一大堆零食，買走當然會食，日積月累就會意外地攝取更多熱量。
只要日常生活中多運動，養成一個計算熱量嘅習慣，保持美好身段就並不困難了。
