明明所有彩妝品齊全，但總係化唔出韓味妝容，今次小編收集喺韓國《Get it Beauty》美妝節目擔任導師，同時有幫朴信惠丶Krystal等韓國女藝人任彩妝師嘅禹鉉意見，指點一下化出完美韓妝嘅秘訣。
1）妝前要充分保濕
韓國氣候比較乾燥，所以妝前保濕非常重要，彩妝師幫藝人上妝前，一定會先塗上保濕面霜，推勻吸收後，再上氣墊粉底霜，哩個就係韓妹發光底妝嘅關鍵。
2）輕拍按壓氣墊聰明上妝
好多女生覺得用氣墊粉餅經常出現推唔勻嘅情況，因為氣墊粉餅上妝時要用輕拍按壓方法，彩妝師禹鉉增建議上妝時可從臉部中央向外輕拍按壓，令底妝向外逐漸放淡就最自然，若鼻翼兩側泛紅或毛孔粗大，不妨將粉撲對摺後，沾少量粉底作多次按壓，從而提升氣墊粉餅嘅遮瑕力。
3）使用少量蜜粉定妝
妝後定妝步驟的確重要，但定妝唔一定整臉塗，塗太多會變成霧光粉面，定妝只要刷上最容易出油嘅T字位，用蜜粉左右來回輕掃就足夠，另外，亦可以用深一度嘅蜜粉刷喺雙頰，臉頰立即有修飾效果。
4）咖啡色眼線
韓國女星常用咖啡色眼線，咖啡色較溫柔又可減少距離感，比如是宋慧喬丶朴信惠嘅妝容，都有畫咖啡色內眼線。
5）自然眉眼輪廓
眉毛以自然眉型為主流，彩妝師建議眉毛下盡量畫一字，將線條拉平，感覺更年輕。眉毛可先以眉筆填補空隙，再用眉粉上色，眉毛就自然又持久。韓國女星都大多鍾意用假睫毛，比較喜歡將睫毛刷得分明，自然不造作。
掌握以上五個技巧，加上上努力練習，打造完美韓妝就話都無咁易啦！
資料來源：韓國人氣明星彩妝師禹鉉增
