女生們家中衣櫃可能已經堆得滿滿，但每當轉季時又想打造新形象，又唔想再為衣櫃加重負擔，今次可以試試發掘一下男友房間有無好東西啦！因為「男友風」即將要大流行，想趕上潮流，立即睇睇以下五款「男友風」必備單品，再向男友房間出發啦！
1）飛行夾克
如果你仲未有一件飛行員夾克，就稱不上係時尚之人。發源於一戰時期嘅夾克，即使時至今日，仍然歷久不衰，既保暖又時尚，作為女生以隨性英氣嘅穿搭更能顯腰線及長腿比例，而且代表著現代城市所欠缺嘅個性精神。
2）西裝
大家對於西裝搭配越來越多元化。而隨著設計師們不斷於剪裁丶設計丶面料上創新求變，即使女生無法從男友衣櫥裡挑選到一整套西裝，但識著西裝外套嘅女生，亦不失英氣。
3）波鞋
時裝週上都巳經吿知大家波鞋嘅重要地位，促使女生們都紛紛願意脫下高跟鞋，換上一對舒適耐看波鞋，雖然有時無法與男友穿同一對波鞋，但能穿同款情侶鞋都係甜蜜嘅事！
4）帽子
帽子種類繁多，除咗能夠抵寒丶造型亦可從男友衣櫥裡選擇一頂合適嘅帽子，對於女生來說不但能修飾臉型，不同材質嘅帽型亦可為造型增加亮點。
5）Oversize外套
Oversize風潮來襲時裝週，即使簡單基本款都能增時髦感，寬大而不臃腫嘅鬆弛感令裝扮提升搶眼度，更能襯托出女生可愛嬌俏一面，而最重要係女生們都可以名正言順與男友同享一件單品呢！
一諗到能夠從男友衣櫃裡面發掘出咁參單品，係未有點兒感覺興奮呢！事不宜遲，馬上行動啦！
