無論工作或旅遊，好多人都經常要飛來飛去，但有時候幾多人知道出發時有無數多個規定必須遵守？部分小錯誤甚至連常客未必知道，就一齊睇睇搭飛機究竟有咩要特別注意。
1）搭飛機應該著咩鞋？
搭飛機首要舒適！選擇方便除脫嘅平底鞋就最適合，因為有機會過海關時會要求將鞋襪都脫走，所以穿著高筒鞋或靴反而麻煩，另外高跟鞋因為行路唔方便，當遇到轉機或趕機就非常不便。
2）邊類物品應該託運或手提上飛機？
必需要託運，不能手提上飛機嘅物品，包括瓶身上標示容量超過100ML嘅液體容器丶利器刀類(例如指甲剪)丶相機腳架等。而可以手提上飛機嘅物品，例如：行動電源丶分裝好100ML以內液體等。其他特殊物品可先詢問各航空公司。
3）行李超重不想付費，應如何處理？
應先準備好收納袋，萬一遇到超重時就將較重小物自己手提上機。如果係留學生或工作假期回國，行李比較多建議使用國際行李郵寄，相比起超重費便宜，比較划算。
4）使用快速通關，護照就無蓋章？
通常人手審查先會蓋章，如果使用快速通關又想要蓋章，可以通關後到移民署公務櫃檯補蓋當次出入境證明章。
5）遺失行李，應如何處理？
行李有可能被拿錯或航空公司錯誤處理而遺失，所以安全起見，托運行李前於行李箱掛上標記，例如：貼紙或繫上緞帶，降低拿錯機會。另外要好好保留行李條收據，因為上面有追蹤碼可有助尋回行李，若不見行李，可到行李盤附近搵所屬航空公司櫃檯，填寫行李事故報告書，如果未能於12小時內取回行李，就可以提出賠償，將因為行李遺失而造成嘅多餘花費記錄低，再向航空公司要求賠償。
了解以上各個出門小貼土，下次外遊或出國就可有更充裕凖備，即使遇上突發事件，都能立即使出應變措施。
