要打做完美妝容，絕對不能忽視修飾眉毛呢一環，因為眉毛直接影響整體觀感，如果眉毛修正得宜，可以改善面形輪廓，而最近日本女生都興起沿眉骨結構訂造出專屬嘅「河北眉」，令整體妝容自然不造作，以下介紹五個打造「河北眉」小知識可供大家參考。
1）什麼是「河北眉」
「 河北眉 」係源於日本化妝髮型師河北裕介，佢研究出一套「度身訂製眉毛」技巧，被稱為「河北眉」。
2）「河北眉」重點
「河北眉」著重運用眉毛線條調整面形輪廓，比起韓國女生流行嘅一字眉更加自然，能夠令眉妝呈現細膩又溫柔嘅感覺，用最簡單嘅方式就可以畫出眉形！
3）可以矯正面形
「河北眉」可以矯正面形又符合夏季清新風格，只需係畫眉時順住眉骨慢慢描繪，根據每個人獨一無二嘅面形比例去做調整，就可輕易打造屬於自己嘅眉形。
4）打造「河北眉」
「河北眉」畫法非常簡單，只需準備好眉梳、眉粉、眉膏及眉刷就可以。首先輕輕感受自己眉骨眉形，然後用眉梳順住眉毛梳順，將眉梳沾上眉粉沿眉形將眉毛填色，再一點一點畫出眉峰。最後根據自己眼頭眼尾及眉骨，順著呢三個點適當畫出自己眉毛，加以調整眉毛長度就完成！
5）「河北眉」重點
帶一點點弧度嘅眉形，一定要順著眉骨做延伸，同時縮短眉同眼之間嘅距離，而畫眉頭時要順著自己鼻樑延伸出嘅位置繪畫，留意眉尾位置係自己嘴角同眼角延伸出嘅延長線。
河北眉可符合不同面形，令妝感更緊致，同時令額頭上方距離減少，所以輪廓會顯得更小巧精緻，值得一試。
