年過25，遂漸開始發現初老癥兆，例如：乾紋幼紋出現丶毛孔粗大丶肌膚容易缺水等問題，但每個女生都唔希望喺自己面上見到衰老症狀，咁就應該及早養成以下防衰老5步曲，令自己保持凍齡狀態呢！
-
良好睡眠習慣
歲月飛逝，從前年輕時經常捱夜嘅你，要盡快戒掉哩個壞習慣啦！充足睡眠對養膚丶調節身體都非常重要，效果比用高級名牌護膚品更顯著，如果可以早睡早起就更好啦！
-
充足防曬措施
正所謂「曬下太陽心情好，但喺又會好易老」，因為紫外線會影響皮膚組織，而且容易積聚黑色素，形成色斑同皺紋，所以出門前記得要使用合適防曬用品，帶備雨遮丶帽子丶太陽眼鏡等，防止紫外線入侵。
-
高質素眼霜
由於眼睛最容易出現乾紋丶魚尾紋，因而暴露你真實年齡，所以選購一支高質素眼霜尢其重要，成份必需要有足夠保濕及預防皺紋，即使價錢比較高都值得投資的。
-
早晚為面部徹底清潔
好多女生會忽視每朝早清潔面部嘅過程，以為只用清水洗面就足夠，其實喺睡眠過程中，毛孔會分泌油脂及產生污垢，所以起身後應配合潔面產品徹底清潔。
-
定期做磨砂
新陳代謝會令皮膚角質層不斷老化，產生死皮，一旦死皮越積越厚，面部紋理就會變得明顯，所以必需養成定期磨砂習慣，去除老化角質，避免阻擋吸收護膚品。
【延伸閱讀】女生拍拖愈久，只會增加自己的肥胖機會率 — 5大原因 解釋愈減愈胖的原因
只要改變一下生活小習慣，保持一副童顏面孔並唔難，大家就由今日做起，為對抗衰老做好準備。
圖：網上圖片
