綁髮從來無因為時代轉變而消失，於不同國家文化丶民間習俗都有存在，根本上就係永垂不朽！但又有幾多人會留意到綁髮對頭髮造成嘅損害呢？如果你都有以下幾點綁髮壞習慣，就要及早戒掉啦！
1. 編織髮型
好多女生都熱愛編髮，有型又好睇！但如果編髮時忽略力度嘅運用，可能會將髮絲拉得太緊，，令頭髮受到損害丶分叉折斷，因而損害毛囊，甚至有脫髮情況出現，所以編髮不應編得太緊。
2. 睡覺時綁髮髻
部份女生希望瞓醒十時擁有自然捲曲嘅頭髮，所以喺瞓覺時將頭髮綁成髮髻，但過程中頭髮同枕頭會互相摩擦，令摩擦力集中於頭皮和毛囊上，造成損害，所以瞓覺時最好減少綁髮，或者換一個綢緞質料嘅枕頭，可以有效減少摩擦力。
3. 濕髮造型
濕髮相比乾髮更脆弱，如果係髮絲未乾透嘅時候綁起頭髮，會容易令髮質受損丶折斷丶分叉，所以打造髮型前必須要吹乾頭髮。
4. All back造型
如果長時間將髮線上頭髮綁起，將拉扯力聚焦於髮線頭皮上，久而久之，毛囊因而受損，令髮線往上移，如果想避免呢個情況，可以經常轉換不同髮型，避免長時間拉扯髮線上頭髮。
5. 高馬尾
高馬尾同樣對頭髮造成壓力，長時間拉扯令頭皮疼痛崩緊，所以應該不斷轉換馬尾位置，令頭皮同頭髮休息，避免造成損害。
明白到以上綁髮嘅壞處，日後大家都應該好好愛惜自己嘅髮絲，如果受損先想辦法補救就太遲啦！
