今年春季，街上都紛紛出現隨風而擺嘅A字裙。顧名思義，外型呈現A字型剪裁嘅裙子，係今年絕對要入手嘅單品，但若無多花心思就隨意穿上，有時會出現過於幼氣嘅效果，今次小編就為大家提供五款造型示範，給予一點點靈感。
1）選擇長度偏長A字裙
一般都係迷你裙較多嘅A字裙，都可以選擇長度偏長嘅款式，只要配搭得宜就能夠化為古典成熟風， 而且能夠遮住大腿肉，修飾體型。
2）搭配長版開襟衫
A字裙只要搭配長版開襟衫等偏長外套，就可以拉長身型及營造出成熟女人味，搭配今年流行嘅長版開襟衫丶無袖風衣等，都係適合一眾細小女生嘅組合。
3）拉鍊A字裙
附拉鍊嘅A字裙可以同具有男士風味嘅單品配上，今季具有鈕扣或拉鍊等裝飾嘅A字裙都大受矚目，即使搭配簡單打扮都能營造出潮流感。
4）搭配男孩風單品
穿A字裙要訣之一，係搭配騎士外套或飛行夾克等男孩風單品，立即升級為具隨性感嘅型格女生。
5）選擇沉穩顏色
雖然一提到A字裙大家可能都會聯想到牛仔裙，但好似黑色丶卡其色丶米色等等沉穩顏色都非常易搭配，十分推薦！
看似容易顯得孩子氣嘅A字裙，只要選對搭配單品，就能夠穿出優質成熟休閒感，所以今季請務必要買件A字裙，進一步享受春季時尚啦！
