氣溫忽冷忽熱，一不留神就有機會染上感冒，萬一生病睡眠質素欠佳，眼袋丶黑眼圈丶乾紋就隨即出現，如果唔想病態盡現，一臉倦容，小編有以下五個修飾小方法，可以令你即使捱夜丶生病，仍然保持最佳狀態示人。
1.提亮及保濕精華
生病時皮膚特別缺水，膚色不均，所以必須於妝前使用面膜及精華，而精華方面，可以選擇具保濕而且有提亮效果嘅產品，尤其於暗啞位置應多加使用。
2.底妝不要太厚
當皮膚質素欠佳，上妝時最容易出現浮粉，要解決呢個問題除咗做足夠保濕，亦應避免塗上太厚底妝，可以考慮使用CC霜或氣墊粉底，哩類底妝產品有高遮瑕度而且透薄，同時為較弱皮膚提供防曬保護。
3.中和泛紅皮膚
如果認為透過粉底遮瑕度不足，可以於色斑丶暗瘡印及泛紅嘅位置，使少量偏綠色底霜中和一下偏紅膚色，令膚色睇落更加均勻。
4.用光影粉取代胭脂
由於患病時皮膚會容易泛紅，所以不應該再加上偏紅色調，為咗更添神采，可以利用光影粉打亮顴骨位置，減少疲態。
5.金色調化妝品
如果覺得皮膚仍然暗沉，可使用偏金色調嘅提亮產品，薄薄塗上需要打亮嘅位置，另外，因為皮膚處於缺水狀態，應選購膏狀或液體類產品，以免出現浮粉問題。
希望以上小秘技可以讓大家修飾面上瑕疵，即使皮膚狀態欠佳，也可以增加一點神采。
