早前時裝周如火如荼陸續展開，無論男裝週還是2018春夏高級訂製服，喺秀場外面總會充滿好多時尚人士，所以藉著集合街拍潮流裝扮，為大家挑選出五種2018春夏必備元素，為一眾仲未搵到穿搭方向嘅朋友，尋找易襯又好著嘅造型。
1）懷舊花式
終於告別動物花紋，但花紋依舊火熱，今個春夏以溫柔懷舊為主打，將過去細膩嘅花草圖案及60年代復古牛仔圖案，再結合流蘇丶荷葉與立體剪裁，重新打造時尚潮流，令整體時尚風格係野性過後回歸一種溫婉感，透過不同結構將溫柔嘅花朵圖案增添生命力。
2）皮草
雖然時尚圈興起反皮草運動，但人造皮草仍舊係時裝界相當流行嘅單品，無論係仿羔羊皮外套丶大皮草或泰迪熊外套，都係今年超流行嘅款式，而穿搭上可以選擇大面積地使用丶多層次穿搭，打造時尚造型。
3）經典牛仔外套
丹寧的確係萬年不衰，但今季丹寧熱潮唔似過去大量運用破壞丶超大碼剪裁或誇張補丁，今年將返璞歸真，以Levis’s經典輪廓，寬闊外型，令丹寧造型不再誇張而係追求布料特質。搭配上仍舊可以與風格強烈嘅單品結合，無論係連身裙或全丹寧嘅搭配，都係今年不能錯過嘅選擇。
4）多層次穿搭
如果無打算購買新衫，就可以改變一下造型嘅搭配方式。今年Double Coat係必備元素，利用兩件薄外套，以外長內短方式做搭配或者將正式與運動款式結合，比如大衣配上西裝外套或西裝外套與夾克互相結合，都係今季值得嘗試嘅造型。
5）配件作搭配重點
除服裝外，亦可以從配飾上做改變，今年配件嘅關鍵字係「小」，將所有配件都縮小，小耳環丶小手提包，甚至連太陽眼鏡都變得細長，今季利用輪廓嘅改變為配件變化，如果今年唔想買衣服，就買新飾物啦！
衣服飾物其實唔需要多，最緊要「精」！所以今年春夏先買哩五種就夠啦！
