不同款式嘅名牌手袋各自都擁有令女生瘋狂著迷嘅地方。倘若資金有限，希望入手一個又百搭又不失時尚霸氣嘅手袋款式，最佳選擇一定係Chain bag！Chain bag大多以皮革袋身配上金屬鍊子，無論係金色或銀色細鍊，揹上後都帶有絲絲女人味，而且出席任何場合都非常適合，每位女生怎能忍得住唔入手一款呢？今次小編為大家介紹五款Chain Bag ，相信總有一個會令你著迷。
1）Bvlgari
Bvlgari原身係一個主打銷售珠寶嘅品牌，但近年皮革生意上都開始打響名堂，尤其是Serpentine Bag，不少明星以及時尚名緩都鍾情哩個Chain bag，其吸引之處係不花巧，以單色袋身配上經典蛇頭鎖扣，從中展現優雅女人味。
2）Saint Laurent
Saint Laurent 絕對係入門級名牌手袋，而且品牌亦有推出大量Chain bag，無論大中小尺寸都有，適用於女士們上班或者約會，易襯又百搭。
3）PRADA
PRADA本身比較少Chain Bag，但近年推出嘅Cahier Bag都有出金屬細鍊款式，成為時尚達人必備手袋之一。
【延伸閱讀】今季大熱「Dad Sneakers」該怎樣搭配？
4）Chloé
要數Chain Bag，相信大家都會諗起Chloé嘅Drew Bag。Drew Bag設計細緻精美，充滿少女味，顏色選擇亦非常多，有時又會有拼色設計，而且價錢親民，所以都非常受少女們歡迎。
5）Christian Dior
Christian Dior係不少女生夢寐以求要擁有嘅手袋，品牌喺不同款式中都加入金屬鏈作配搭，就連經典袋款Lady Dior都可以換上金屬鏈，令女人味大增！
Chain bag可用性極高，出席任何場合都可以選用Chain bag作配搭，既有女人味又時尚，而且容量足夠女生帶上最重要嘅日常用品，美觀又實用。
