每到春夏季，香港天氣就時冷時熱，又濕又焗，所以特別要注意家居發霉情況。潮濕天氣不但會令家中牆壁發霉滲水，如果未及時處理更會導致嚙蟲出現，甚至令牆壁裂開。以下五招防霉抗臭小貼士，學識之後保證發霉永遠遠離你！
1）杜絕霉菌積聚洗衣機
要防止衣服霉菌，杜絕霉菌積聚洗衣機先係正確治本方法。可以於空嘅洗衣槽中放水，再加入大約100-120克梳打粉或一杯白醋，開啟洗衣機攪動3-5分鐘再靜泡30分鐘，脫水然後再以一般程序清洗一次。
2）去除衣服上霉菌
衣物未處理乾淨不但會造成霉菌積聚，長期接觸更會導致皮膚病， 切記切勿因為衣服有霉味就放大量洗衣液去洗，只會令洗衣液殘留衣服上為霉菌製造機會。其實只要將 30-40度清水加入白醋將衣服浸泡10分鐘，然後再清洗便可，白醋不但可殺菌更可去除異味。
3）舊報紙吸濕
報紙絕對係吸濕嘅好工具，只要將報紙捲起再放入衣櫃中，大約一星期之後再更換另一卷就可以。
4）用酒精勤抹牆身
面對牆身潮濕發霉，好多人都會用濕毛巾直接抹去牆上水珠，但事實上只會增加牆壁濕度，因而弄巧反拙，其實可以先以乾布將牆身抺乾，再用布條沾上酒精擦拭一下便可。
5）鹽水拖地
鹽有令水氣加快變乾嘅功效，而水溫30-40度則有效地殺菌，潮濕天氣加鹽入溫水中拖地，可以令地板更乾爽。
避免家居潮濕發霉其實並不困難，只要適當清潔家居丶準備好防潮用品丶經常保持通風，即使春夏雨季來臨，又有咩好怕呢？
