因性格內向導致社交恐懼可能會為生活帶來不少限制，如果可以從能力技巧角度去清晰地理解問題，就能搵出消除障礙嘅方法。對人際交流感到恐懼全因為唔知道應該講什麼説話，倘若我俾你一張調查問卷，你只需對陌生人進行訪談，你會發現交流輕鬆得多，因為過程中有邏輯性丶條理性。所以原因唔係怕講話本身，而係唔知道如何繼續對話去避免冷場。如果掌握足夠談話技巧及表達技巧，將會對交談越來越有自信。針對以上問題，建議可以嘗試下面幾個應對方法：
1） 列出常見話題及答案
想消除交流恐懼感嘅時候，可以直接將問題及自己答案背誦一下，雖然會顯得生硬，但至少能夠保證對話順利地進行，建立起初步自信心。
2）多搜集有趣話題常備心中
話題積累得越多就越不懼怕冷場，準備一啲比較能夠打開對話場面嘅話題，以便喺交談過程中添趣味，同時有助於增強自信心。如果唔清楚應該準備邊類話題，可以多觀察身邊善於社交嘅人經常用嘅話題，從中偷師！
3） 做一份需要同陌生人打交道嘅工作
每個人跟陌生人溝通一開始難免會緊張，但一段時間之後會漸漸發現與陌生人對話時完全無恐懼感。工作能夠迫使你去積累經驗，克服恐懼。如果條件唔容許你轉工，都可以考慮做兼職或義工，同樣對人際交往有好大幫助！
4） 跟別人對話多關注對方說話
跟別人對話時，對方講得越多，你就越有時間思考丶給予反應。好多人怕同陌生人對話原因係怕自己講錯說話引起對方反感，哩種恐懼會令人唔敢開口，假如未能做到滔滔不絕，不妨對話時多聆聽別人表達，偶爾提問及鼓勵對方表述，擔當一位聆聽者角色。
5）帶著明確目的進入對話
跟陌生人對話時，為自己設定目標，對話過程中所有心思都放喺目標上面，無需擔心其他問題，亦唔好講無關嘅說話，千萬唔好覺得對話有目的性係壞事，換個角度思考下，漫無目的嘅對話先至係浪費時間！
每個人都各有弱點，而害怕與人交往哩個障礙要克服其實唔難，就好似減肥一樣，看似好困難，但只要按照一定方法進行嘗試，假以時日必然可以得到明顯改善。
