隨著現代人對生活要求越來越高，大家對健康飲食習慣要求亦相應提升，漸漸學識挑選營養價值較高嘅食品。然而，健康食品其實對身體係未一定健康呢？事實上部份健康食品都暗藏有害成份，今次就拆穿以下五種假健康食物嘅真面目！
1）能量棒
不少人運動時會帶備能量棒隨時補充能量，不過能量棒當中穀麥會經過加工，加入調味，而且含大量糖份，太多糖份會令身體血糖飆升，身體因而積聚脂肪，所以營養師建議可用蔬菜棒取代。
2）果乾
雖然果乾由水果曬乾而成，但其實喺曬乾過程中，水果嘅營養大大減少，加上果乾中會加入大量糖份，所以市面上所謂天然果乾都未必完全健康。
3）低脂和脫脂乳酪
乳酪可以促進腸胃健康，但一般低脂或脫脂乳酪都會添加人工甜味劑及色素，以上人工化學成份未必可以完全經人體排走，有機會形成惡性膽固醇。
4）乳酪雪糕
乳酪本身並非特別健康，而雪糕又屬於高糖份食品，所以乳酪雪糕所含營養價值並唔高，而且不同呋道嘅乳酪雪糕，例如雲呢拿丶士多啤梨，都有可能係透過增味劑而產生，所含熱量丶糖份丶化學成分都好高，絕對唔係一種健康食品。
5）牛奶
好多人以為飲牛奶可以美白，其實牛奶未必可以美白皮膚，相反會令皮膚變差，誘發敏感。原來有好多製作牛奶嘅廠商會向奶牛餵食激素，從而產生更多牛奶量，若攝取過多激素，不但會影響人體，而且會刺激皮膚誘發暗瘡丶粉刺等皮膚問題。
所以切忌盲目追隨健康食品，要學識揀飲擇食，多參考食物成份內容，咁就萬無一失啦！
以上資料只供參考，如有疑問，請向家庭醫生或營養師查詢。
