女人丶男人根本就屬於不同世界嘅生物， 無論係身體結構以至思維模式都大有不同，所以往往相處之間或多或少都會出現磨擦。如果想更了解自己或者另一半，不妨閱讀一下以下五個關於女性嘅冷知識啦！
1.女人擅長解讀面部表情
劍橋大學教授Simon Baron-Cohen硏究發現女人普遍比男人擅長解讀面部表情，由於女性更擅於解讀面部表情、手勢及語調，所以令女人較男人更易成為優秀嘅溝通者及社交領袖。
2.嗅覺比男人敏鋭
根據一項費城莫內爾化學識別中心研究顯示，女人較男人擁有更敏銳嗅覺，研究人員Charles Wysocki解釋，以上情況係因為遠古時代，女性主要做採集工作，負責為家庭挑選適合嘅食物，嗅覺就係其中一個判別食物嘅工具，因而擁有更敏銳嘅嗅覺。
3.討厭冒險
女人唔鍾意冒險其實係有科學根據。因為人體大腦嘅前扣帶迴係負責做決定，而腦神經學家研究發現，女性的前扣帶迴大多比男性大，意味女性做決定前總會比男性更思前想後，唔會隨便冒險！
4.對酒精抵抗能力低
美國德州大學曾經對此作出研究，研究顯示，女人對酒精嘅抵抗力較低，更容易患上肝炎，亦較容易死於肝硬化。另外，研究顯示女人容易因喪失精神功能而遭受酒精造成腦損傷。所以如果有飲酒習慣嘅女性要格外留心！
5.女人能分辨更多顏色
布魯克林學院行為神經學家Abramov曾對男女分辨顏色差異進行研究，實驗中，面對光譜顏色時，女人喺色調、飽和度丶光暗度上表現都比男人敏感，研究結果更指出女人平均比男人更能分辨多20%顏色。
以上五點作為女性都可能未必知道，男士們不妨跟另一半分享一下，令女生更感體貼呢！
資料來源：Facebook.com
