12蚊豆腐花放題 教你去隱世豆品廠

今次介紹的12蚊豆腐花放題位於上水，我們起點會由上水火車站踏單車前往豆品廠，全長2.9公里，踏單車需時約10分鐘，如果步行就大約36分鐘 (Google Map 資訊)。

1. 在哪裡租用單車？

上水火車站旁邊有大量共享單車 (Jobee, ofo等等) ，收費一般$3-$5/30分鐘，但座位一段不太舒服，而且要用信用卡付費。至於上水火車站旁有上水單車公園，收費約$60/日，單車座椅比較舒服。

(以上資料只供參考)

2. 路線

(Source: Google Map)

3. 單車路線簡介

• 由上水火車站出發，去到豆品廠，全程幾乎沒有上落斜，絕對適合平時冇做運動的你。
• 部分路線不是單車徑，但沿路十分少車，不算危險。
• 由於分差路比較多，所以未去過的朋友要睇定地圖/開定導航
• 豆腐花好平好抵食好好食好……總之，踩這條路，小編最大的目的：食！( 想知幾平幾抵食，就繼續睇落去啦！)

4. 鴻淘豆品廠(又名：羅太豆花)

(其實上水有另一間豆品廠的，給但羅太豆花始終是小編首選)

(場內有很多單車泊位，唔驚去到冇位泊車)

(豆腐花及豆漿放題一口價$12，真係任食。而且十分新鮮，味道一流。)

(豆品廠內有其他燒賣魚蛋可以購買，價錢參考：燒賣$10/6粒 //魚蛋$10/8粒)

(場內仲有很多自家製的醬料及豆品賣，現場所見腐乳、腐竹及豆卜十分好賣，不斷有人排隊搶購)

(2月1日起，豆花豆漿放題會加價$1至$13；其實都好平)

今時今日買一碗豆腐花都要$15，$12豆腐花放題真係抵食到冇朋友，而且十分新鮮(豆品廠現場即製)，口感及味道完全不可比擬。所以各位朋友仔，有時間不妨前去，保證一試難忘。