近日好多網絡博客紅人，係個人專頁上紛紛出現「baby light」字眼，因為2018開季即將大流行哩種髮色！
顧名思義「baby light」就係一種接近初生嬰兒毛髮嘅顏色，以天然棕色做基本色底再配以挑染技術，而亞洲人天生擁有東方面孔漂染哩種髮色更加有出乎意料嘅效果，輕易打造成為一個偽混血兒呢！
-
簡單短髮更富層次感：
一眾短髮女生都深明髮型上好難有大變化，不妨試下染一頭「baby light」，深淺不一嘅挑染部分令整體層次感大增帶點不經意嘅浪漫。
-
長髮打造混血女神：
中長髮型亦非常適合漂染「嬰兒色」，只要輕輕將秀髮灑到肩上，立即充滿混血兒味道！
-
捲髮效果突出：
捲髮不單止可以豐盈髮絲，與「baby light」更係絕配，可以令髮色效果加強而且型格非常！
-
造型設計加強視覺效果：
如果花啲心思將頭髮紮起或設計一個特別髮型，多角度展現「嬰兒髮色」，效果一流！
-
男生們都啱！
唔好以為「嬰兒色」只有女生適合，男生短髮漂染後效果一樣出色，絕對不能錯過！
「baby light」比起往年七彩繽紛嘅髮色更自然踏實，最重要係新生長嘅頭髮顏色都唔會相差好遠，唔使急著補染髮根，的確值得一試。
圖：網上圖片
