基因改造食物越來越多，食物成份又越來越複雜，有時食物標籤未必可以完全反映當中成份，生產商甚至添加一啲意想不到嘅成份，買家都未必知道！以下就披露其中五大最驚嚇食物成份，大家睇完仲會唔會購買呢？
1）包裝麵包內含頭髮成份
眾所周知麵包由麵粉製造，不過部分用膠袋包裝嘅麵包，為咗延長防腐期，可能內藏頭髮成分，因為頭髮中有一種氨基酸可以用作保鮮，將呢種氨基酸加入麵包內就可以令麵包防腐期更長。所以食得安心，最好買新鮮麵包。
2）芝士碎內含木屑
芝士係容易溶嘅食物，而碎芝士比起芝士就更易溶，所以部分預先包裝好嘅碎芝士會加入一啲纖維素，避免碎芝士溶化，當中包括由木屑纖維提煉出嘅纖維素！
3）香口膠有蟲膠
香口膠成分中含有蟲膠，主要用作食物上光劑，令食物睇上去更有光澤更吸引。而蟲膠由膠蟲壓碎提煉而成，膠蟲通常係樹上棲身，會分泌出蠟質蟲膠將自己固定樹上，絕對係恐怖食物成份！
4）紅瓜子都有蟲成分
紅色食品多數包含染色成分胭脂蟲紅，係由胭脂蟲壓碎過濾，然後取出紅色色素。紅色果醬，糖果等所有包含紅色添加成分的，大部分都有胭脂蟲！
5）軟糖中有牛
軟糖裡面含有明膠，即係魚膠粉，係常見嘅食物添加劑，市面上出售嘅軟糖都含有明膠。明膠大多數由牛及豬骨提煉骨膠而成，用作加強食物口感，令食物更煙韌彈牙。
以後揀選食物嘅時候，緊記要多了解食物成份，以免將恐怖食材都食落肚啦！
