相信大家都知道2018-2019年度財政預算案已公布。全港中學生都關注是2019年考DSE唔洗錢，及持續進修基金(CEF)資助額，由一萬增加兩萬。好多人心思思，究竟點樣先可以食到呢兩粒財爺派嘅糖呢？
-
DSE 唔夠五科合格，一定要報名
好多政府工及私營機構，都要求求職人士DSE有最少五科合格。特別是中文科或英文科一定要有Level 3。語文科唔合格，就等於考唔到公務員和紀律部隊。 當然，你計劃用1-2年再讀毅進課程，但不要忘記學費貴，課時又長。不如趁住呢個免費機會，考返個五科合格先。
-
JUPAS入學成績降，當年大學無緣者一定要報
係2012、2013 DSE年代，20分想入大學都難，現在20分可能有機會入三大。如果係當年錯過左大學夢嘅同學，可以趁呢次免費機會報名！考返個好成績，做個大學生！
-
想投身教育行業？公開考試一定要考多次！
考得好唔一定教得好，但成績唔好一定會俾人當你教得唔好。有意投身教育行業嘅您，不妨考多次DSE。如果係想教英文嘅，IELTS更加要考啦！CEF津貼增加到兩萬蚊，可以用嚟報讀IELTS補習課程，最高可以Claim到超過八成。
-
大學生必修IELTS應試課程
香港各大院校都建議學生畢業前要IELTS，部分學系更加是必須。一般香港僱主都看重IELTS，他們預期新入職的員工IELTS最少有7分。所以，你萬一IELTS不達標，輕則影響就業，重則defer畢業，就真係醜豬豬。在職人士想轉工？想升職？想加薪？英文能力亦要達到一定水平， 透過CEF報讀IELTS課程，自然可以食住粒糖，提升英文能力同埋考試成趣。
好多人都嗌，財爺粒糖好難食到！其實，波叔係好有心思嘅，呢粒糖係留返有上進心嘅人食嘅！
(以上財政預算案資料來源: https://www.budget.gov.hk/)
