作•文
呢個欄唔講政治或娛樂。偏偏，我最喜歡譏諷呢兩個世界裡面發生嘅事。
冇所謂，人生道理，融會貫通，並不是局限於任何一個界別。
我最近想好多嘅，係成功是否靠對某樣嘢學得專。
係，典型香港人想法。
係，其實我已經講過好多次。
上次，我串醫生，就係最佳代表。
點解要再講？因為實在受不了身邊有些蠢人的無知與井底之蛙之程度。
社交網絡發達，玩嘅idea日新月異，但有樣嘢香港人不怎麼pick up到 – 人物誌。
我自細就喜歡睇人物傳。某程度，我就係英雄主義。係，我最喜愛嘅電影類別，係 Marvels 嘅超級英雄電影系列。
呢個係健康嘅。當成個社會盲目崇拜一個偶像時，當然係危險至極；唔係個個民族可以像英國人一樣有智慧，喺邱吉爾打贏二次大戰後將他以投票趕下台。但個人有不同偶像對象學習時，就能更快更好地提升自己。
唔明點解，但我每次分享自己嘅偶像，而且大部分人係當代人物時，喺香港，其他人會冇咩反應。
Lord Neuberger 嘅威水史你聽過嗎？
「佢係邊個」
Hugh Grant 成名時嘅名言你聽過嗎？
「唔知」
我明我列舉嘅係英國人物，不過一個係香港終審法院非常任法官，另一個係國際電影明星，要知佢地嘢，以現今social media黎講，有咩咁難？
事實係，有咗social media，大家某程度只需睇自己有興趣嘅，無需睇闊啲，變得更故步自封。
於是，你就只懂得跟隨最in嘅時事潮流，人做咩你做咩，更加害怕唔合群，更加鄙視唔跟著主流社會嘅人。
咁我係咪叫大家要做自己、唔理別人睇法呢啲 cliche 爆嘅廢話？
No, I ask you to look to those who are successful, and learn how they got there. Simple.
你會發現，自己唔再係咁亂judge人。
文：林作
