科技發達，網上商店越開越多，價錢參差，而係虛擬空間上購物因為未有接觸到實物，中伏機率就大增！如果想避免踩中陷阱，以下有五個網購秘技，掌握到就自然唔會再中招啦！
1）挑選材質比格價重要
平價時裝最怕買到差質料，雖然話一分錢一分貨，不過就算一樣價錢嘅單品，選擇純棉就已經會比雪紡更有質感，挑選時絕對要注意，同時亦可以查看詳細衣料成分説明，避免買到一件著一次就廢掉嘅單品！
【延伸閱讀】今季大熱「Dad Sneakers」該怎樣搭配？
2）留意肩線
網店模特兒通常身形較纖瘦、骨架傾向迷你，如果擔心均碼嘅單品尺寸不合身，就留意將網站所標示嘅肩線尺寸與自己衣櫃中衣服做測量對比，避免買錯先後悔！
3）裙款要注意長度
裙長要多加留意，如果由外國模特兒拍攝示範照，通常裙子會比想像中長，記得唔好以模特兒穿上身嘅效果當作比例尺，正確測量出嘅裙長先係要留意嘅部分。
4）照片細節透露端倪
如果一款單品相當有設計感，但模特兒就係無將單品著好，照片都係由各個情境角度拍攝，咁最好喺購買前謹慎思考，有可能這件衣服細節並非預期中精緻、或者根本超難搭配！
5）小心花巧設計
平價服裝之所以平價，就係因為料質上或剪裁選擇比較低成本，正因為成本低，通常過於花巧或者帶強烈設計感嘅單品，就特別需要小心留意，可能照片上超美，但收到會令人大失所望！
透過以上五點， 大概可以掌握網購小貼士，避免中伏嘅機會而浪費金錢。
