宜蘭四季都非常適合旅遊，單單令人一試難忘嘅宜蘭美食丶獨特風味小吃已經吸引好多慕名而來嘅遊客！若你對宜蘭仍感覺陌生，就快快惡補一下資料，睇睇去宜蘭必試美食推介啦！
1）龍鳳腿
龍鳳腿炸物攤位位於東門夜市，龍鳳腿係由魚漿丶高麗菜裹上豬油嘅混合物，淋上獨家秘製醬汁丶醬油膏及甜辣醬，金黃酥脆嘅口感令人停唔到口！另外攤位仲有韭菜捲丶雞肉串，味道一樣令人深刻難忘！
2）小春卜肉及糕渣
人氣宜蘭美食組合之一卜肉及糕渣，酥脆嘅炸肉口感豐富，再配上以粟米粉加太白粉油炸嘅雞肉雞湯糊，令人難以抗拒！而有國宴佳餚之稱嘅糕渣，屬於好費工夫嘅美食，要先將蝦仁丶雞肉剁碎，再熬煮成高湯，然後提取部分拌煮成漿，等其中油脂凝固定型後切塊，最後裹粉就大功告成！雖然小食組合熱量超高，但的確好誘人呢！
3）嘟好燒與燒馬蛋
嘟好燒和燒馬蛋都係宜蘭人童年小點心，嘟好燒就係炸小麵糰，剛炸好撈出油鍋時香氣逼人，正正就係嘟好燒嘅魅力所在，鬆鬆脆脆嘅麵衣包著香甜紅豆餡，令人有幸福滿足感。而燒馬蛋其實就係蕃薯球，宜蘭人習慣叫蕃薯球做燒馬蛋，十分有趣！
4）北門蒜味肉羹
北門蒜味肉羹採用黑豬肉，裹粉後丟入羹湯煮熟，配上濃郁嘅羹湯，鮮美彈牙嘅肉配上恰到好處嘅白蒜味，重口味之餘又非常美味！
5）阿灶伯當歸羊肉湯
超人氣必食宜蘭美食！鮮甜嘅湯頭及肥嫩嘅羊肉，喺當歸香氣中散發著熱氣，再配上一盤沙茶羊肉炒麵以及外皮酥脆丶內餡軟嫩嘅臭豆腐，簡直覺得此刻人生就完整啦！
睇過以上推介，大家口水應該已經流到口唇邊啦！事不宜遲！快快記錄入你嘅美食名冊啦！
