常言道「What you eat you are」，所以飲食習慣好與壞直接反映到肌膚上，要膚質保持亮麗幼細，首先要從飲食方面著手，而人體大約有60%由水份組成，如果多了解各種飲用水嘅特質，從而挑選適合自己飲用嘅水，對美膚效果就變得相得益彰。
-
軟水
軟水指水中鎂丶鈣含量於120mg/L以下，性質溫和不刺激，即使身體不適亦唔會對腸胃造成影響，而且適合用於料理，普遍東南亞地區飲用嘅都屬於軟水，最適合普羅大眾飲用。
-
硬水
部份人會覺得硬水比較難飲，帶有一點沉重感，但由於硬水鎂丶鈣含量比較高，係美膚時不可或缺嘅礦物質，而且水份性質相對比較刺激腸胃，對排便亦有一定功效，用於美容健康效果顯著。
-
碳酸水
碳酸水係指水中含有二氧化碳但不含糖份嘅飲用水，因為水中充滿氣泡，所以又名氣泡水。進餐時飲用會有清爽感覺，而且當中成份可以增進食慾。除此之外，當飲用碳酸水時，不但可以刺激腸胃幫助排便，碳酸亦會經由腸胃滲入血液，加速血液循環，身體代謝加快幫助排走廢物，新陳代謝改善皮膚就自然好啦！
-
氫水
氫水指水分子當中含有氫元素，味道同軟水大致相同，容易入口。由於要保持當中氫分子唔會流失，生產商會利用鋁質包裝，而售價比一般飲用水貴。不過氫水有一大賣點就係高抗氧化功效，去除身體內壞自由基丶抗衰老，所以深受愛美嘅女生們歡迎。
-
檸檬水
檸檬水當中含有豐富維他命C，可以增強免疫力，多飲用亦可以預防流行性感冒。而女生們如果想擁有健美膚質，建議選擇熱飲，效果會更好。檸檬水絕對係價廉物美嘅護膚選擇。
女士們應該明白到補水嘅重要性，參考以上小編介紹五種水嘅特性，係飲水時就應該要選擇適合自己而且可以達致美肌效果嘅飲用水啦！
資料來源：Japaholic
