大家越來越注重身體健康，工作同時都不忘會抽時間做運動丶行山等，但運動前後又有無配合適當飲食習慣呢？有營養師提醒，雖然食物項目多丶種類又繁多，若選錯或進食時機錯誤，不但無助發揮運動效果，更可能造成身體額外負擔。有見及此，以下介紹五款運動前後飲食組合供大家參考一下。
1）運動前食三角飯糰＋蔬果汁
便利店中1個三角飯糰搭配1杯蔬果汁，此份點心大約可提供300至350卡熱量。建議1個三角飯糰熱量維持喺200至250 卡以及1份250毫升果汁控制於80至100卡內。
2）運動前進食香蕉＋低脂鮮奶
1根香蕉搭配1杯低脂鮮奶能夠足夠補充運動時所需熱量，香蕉所提供嘅鉀質更可以幫助維持肌肉正常運作，有利於運動時發揮最大效益。
3）運動後食椰棗數粒＋鮮奶
椰棗係含果糖嘅椰棗樹果實，中東國家視為勞力或運動後用作補充體力嘅水果，近期亦經常喺健身中心或健康餐中發現使用椰棗，而適量地將椰棗乾浸入鮮奶，就可於運動後補充碳水化合物及蛋白質，屬於方便嘅選擇。
4）運動後食香蕉＋含糖豆漿
如果唔鍾意乳製品嘅朋友，豆漿亦人可代替補充蛋白質嘅飲品選擇，建議可選擇含糖豆漿，再加1根香蕉補充來自水果嘅糖分及鉀質，都係一個唔錯嘅搭配組合。
5）運動飲橙汁＋茶碗蒸蛋
如果鍾意溫熱食物，不妨可選擇茶碗蒸蛋做蛋白質補充嘅來源，同時搭上1杯鮮橙汁，就能輕鬆補充適量碳水化合物及蛋白質。
成功增肌，擁有美好身段不只是會運動就足夠 學會配上運動前後飲食習慣，就可更接近目標了。
