城市人越來越懂得養生之道，對於飲食方面更加特別關注，坊間各種各樣嘅超級食物都成為大家爭相搶購嘅食物。新一年來臨，小編為大家介紹今年熱捧五類超級食物，只要配合簡易食譜，就可以達成養生嘅目標啦！
1）西瓜籽
近年都非常流行果籽，如亞麻籽、奇亞籽，2018年大熱就係西瓜籽，西瓜籽含有豐富蛋白質，蛋白質含量比葵花籽丶杏仁等堅果多大約1.5倍。除咗蛋白質高，西瓜籽仲有維生素B群丶單元不飽和及多元不飽和脂肪酸，可有助預防心血管疾病。
2）紫山藥及莓類
上年開始，深紫色及黑色食物都係健康食品嘅象徵，嚟到2018年繼續係超級食物象徵！因為紫色丶黑色食物當中含有抗氧化、預防心血管疾病嘅花青素，而且佢更可以抑制膠原蛋白分解，有助於養顏、抗衰老。
3）辣木
辣木源於印度及非洲，係一種熱帶生長多年嘅落葉喬木，整棵辣木都可食用，而辣木葉含有豐富維生素A、C、E、B群以及礦物質鈣、鎂、鋅，食用時可以將佢磨粉，加入飲品或料理中，味道類似抹茶。
4）菇類
菇類其實早喺超級食物排行榜中！菇類含有豐富膳食纖維、維生素B群、多醣體及多種礦物質，而曬乾嘅冬菇更有維生素D，所以多食菇類有助提升免疫力、調節免疫功能、降血壓、血脂等。
5）海帶
海帶被稱為營養海洋蔬菜，上年經已成為超級食物嘅成員，今年佢繼續留喺名單之中，海帶及海藻類都含有豐富膳食纖維、海藻酸、多醣體、碘、鈣、胡蘿蔔素、維生素B12等營養素，以上營養素皆可有助提升免疫力、降血糖、降血脂、促進排便、維持甲狀腺功能正常。
認識更多超級食物種類，可有助吸收更多營養素令身體健康，不單止可養生更可增強免疫力。
