太空人所食用嘅太空食品因外在環境及各種限制下，為著太空人能夠正常飲食而花上大量心機製作出嘅一種食物，同時為方便攜帶到外太空，所以商品主要都以能夠長期保存及輕量嘅冷凍乾燥商品為主，此種加工方式與日曬乾燥方法唔一樣，據說太空食品即使乾燥過後都唔會減少食材本身營養價值，其中部分食品加水後更可恢復原樣並食用。以下就為大家介紹一下其中五款太空食品，未知會唔會都吸引到你食慾呢？
1）雞肉絲飯
此為熟悉嘅番茄醬雞肉絲飯，內有乾而鬆嘅飯粒，亦有雞肉及碗豆，而且有著濃厚番茄醬風味，配合稍硬嘅米香，酥酥脆脆嘅米飯令人感到有點不可思議！
2）大阪燒
迷你大阪燒口感則因為冷凍乾燥關係，所以好硬，不過有濃濃嘅大阪燒味與醬汁香氣，雖然口味上與大阪燒非常相似，但因為並非鬆軟口感，所以感覺有點奇怪。
3）布丁
甜品布丁包裝上寫著入口即化嘅字樣，外觀呈現正方形嘅黄色塊狀，但味道就同正統布丁一樣，不過就無所寫入口即化嘅口感，畢竟係冷凍乾燥商品，要體諒一下！
4）太空米製蛋糕
年糕係需要加水後恢復原樣進食嘅食品，打開包裝後，內物係經冷凍乾燥處理嘅年糕及黃豆粉，口感其實跟平常年糕分別不大。
5）水
除太空食品外，太空站補給機亦有來自地球嘅天然水，為太空人提供人體所需水份，當然就同普通飲用水味道無異。
因為每樣商品幾乎都無水份，所以非常乾硬，而食品都由原本食品所加工製成，所以味道總算有準確呈現，但絕非好食！開始感受到做太空人嘅難處了。
