好多小胸女生總會羨慕豐滿女生，對於自己身材或者覺得有點自卑，不過原來穿搭上某些福利就只有小胸女生先可以得到，因為上天係公平，部分衣飾就只適合小胸女生穿著，就同大家一齊睇睇哩類專屬單品啦！
1）荷葉邊一字領上衣
一字領上衣由往年夏天已經開始流行，對於平胸女生，可以挑選前面有荷葉邊嘅款式，荷葉邊垂墜感可以令視覺上增大胸部，胸部變得有份量，所以不妨嘗試荷葉邊嘅一字領上衣，甜美之餘又能令身形更有曲線。
2）襯衫
襯衫係好多女生必備單品，但就只有小胸女生先可以著出那份率性，豐滿女生穿上合身襯衫，上身容易感覺膨脹或鈕扣被撐開，相反小胸女生就非常適合，不但可以拉長頸部線條，而且可以視覺上增大胸部，帶出一種不經意嘅性感。
3）細肩帶背心
細肩帶背心非常適合想要顯露性感嘅小胸女生，露出鎖骨或腰部，顯露性感曲線，如果擔心太暴露，亦可以內搭T恤打底，增加層次感。
4）吊帶款式服裝
想要穿得比較俏皮可愛，可以挑選吊帶褲或吊帶裙。豐滿嘅女生如果穿上哩類型服裝，胸部形狀會更加放大，身材比例顯得出錯，感覺臃腫。相反小胸女生就可以輕鬆地穿出俏皮可愛感覺，而且瞬間減齡。
5）純色系服飾
純色系服飾一般帶有沉實穏重感，非常適合上班一族。然而，豐滿女生如果只單穿一件純色上衣或者唔係穩重而係有增齡感。所以唔好輕視一件無花無巧嘅上衣，原來都要配合適當身形先可以將衣服完美演繹！
有時是好是壞，根本在於觀點與角度，只要懂得欣賞自己丶自信滿滿就自然變得美麗。
