時代不斷進步，人們對生活質素要求越來越高，日本人憑靈活嘅腦筋經常設計出各種各樣方便生活嘅小物，以下係小編為大家係日本生活百貨店中搜羅返嚟五大熱賣好物，或者當中都有適合你嘅好東西呢！
1）多功能清潔刷
只要將用完嘅膠樽裝入清水或清潔劑然後裝上清潔刷，就可以開始掃除工作，刷具上海綿柔軟有彈性，唔會傷害物件表面，非常適合洗車使用，而清洗刷底部附有開關鍵，非常便利。
2）矽膠手握洗衫板
呢款係洗衣板又係洗衣刷，刷子前端嘅顆粒設計只要轉圈摩擦即可輕易去除污垢，而下方波浪板狀則可刷洗污漬，又能深入清潔襯衫領口與袖口、貼身衣物等小地方，體積輕巧易收藏。
3）吸盤式廚餘收集架
煮食前凖備材料時總係爭分奪秒，呢款收納架採用吸盤式設計，安裝方便，可以吸附於水槽四周或角落光滑平面上，而扣夾可將袋口扣住，令廚餘、垃圾方便倒入。
4）室內門後掛衣架
門後小空間都可以利用！門後掛衣架能夠收納各種懸掛物品，前端弧型掛勾設計，係室內晾衫都無問題，不需組裝太多，而係夾門版部分附有可移動式白色樹脂，可依門板厚度自行調整，非常方便！
5）單車遮架
攜帶雨具踩單車時總係危險萬分，又要顧慮雨遮有無晃動掉落，又怕勾到煞車線造成危險，呢款遮架讓雨具係單車上有棲身之所，無需工具即能完成安裝，令行駛更加安全。
以上生活小幫手都可輕易係日本生活雜貨店買到，實在係價廉物美丶省時省力好東西！
