每當出國旅行完結時，往往都因為瘋狂購物後，令行李箱爆滿！所以打包行李就成為一大考驗！根據現職空中服務員提示，打包行李時，除咗要了解清楚航空公司所提供嘅免費托運行李重量，避免超重，更需要挑選適合自己嘅行李箱，以下有五個小貼士：
1.硬殼款式
若旅行目的地治安較差，會令人在意防盜以及機場搬運行李方式等問題，硬殼款式就適合你啦！雖然硬殼款式唔代表一定安全，軟殼款式就危險，只係想有個安心感覺嘅人，都推薦可使用呢種款式。
2.軟殼款式
旅行目的地比較安全嘅國家，旅行中可能會買手信等，預計行李會增加不少嘅情況下，就適合軟殼款式。另外就係重視輕量化嘅人，都推薦使用呢種款式。
3.短期旅行
一般可帶入機艙内嘅手提行李尺寸約為35公升左右，可收納約一至兩日行李，所以可選擇精簡款式，如果考慮到行李有機會於旅程中增加，就選擇稍大一點尺寸比較好。
4.三日以上旅程
三日以上旅行的話，就需要可托運行李尺寸。同時你可考慮一下往後旅行，如果較多機會去亞洲等比較近嘅國家，就適合使用中尺寸嘅行李箱。若去歐美等國家，旅行日數較長，就選擇大尺寸會比較適合。
5.長期居留
加大尺寸行李箱，可裝二至三星期行李，適合長期居留時使用，但因為行李箱較大，要注意避免無意間裝咗太多行李，結果發現帶去當地根本無用，所以必須好好挑選攜帶嘅物品呢！
人人都希望帶着行李箱創造更多美好旅行回憶，所以首要根據不同旅程，挑選適合自己嘅行李箱係非常重要！
資料來源：
日本航空株式會社
商品・服務企劃本部
開發部客艙服務群
空服員 物部 佳奈子小姐
