一眾喺辦公室返工嘅朋友，枱頭都必定常備memo紙，方便記錄工作上大小事務提醒自己，但有無諗過可以利用平平無奇嘅memo雕塑出活靈活現嘅物件甚至建築物呢？最近喺日本推出咗一系列立體memo，用家只要慢慢遂張撕走，最後memo就會呈現出超緻又立體嘅小驚喜，令你輕易成為一位紙張雕塑家！
- 超複雜創作
一張又一張嘅memo用完之後，整座建築物就建設完成！造工切割都非常考心思，將每一層瓦頂層次分明而且清晰地展現，簡直無辨法想像到係由一曡memo演變出嚟！
- 別具紀念價值
立體memo系列中亦有唔少由日本著名景點為藍本，而創作嘅各個地標建築，可以作為旅遊完日本嘅紀念品，勾起你一段段回憶。
- 像真度極高樂器
系列面都包含唔少音樂樂器，鋼琴哩一款尤其出色，不單止外觀同真實鋼琴一樣，甚至內部構造都像真度極高！送俾愛音樂嘅朋友就最好不過啦！
- 一比一實物創作
對於哩種同實以相同比例展現嘅立體memo，感覺都非常有趣，好適合OL放係辨公桌上面做小擺設，為沉悶嘅工作環境增添一點點趣味。
- 日本風圖像
設計師對人像構圖亦非常出色，一系列由人物做主題嘅立體memo，感覺有啲似睇緊一套日本文化嘅影片，作為家居小裝飾都唔錯。
小小驚喜為生活添趣味，哩款立體memo絕對發揮到作用，既實用又美觀，的確值得收藏。
資料來源：
Instagram.com/triad_icn
