女士們想脫離單身一族？又想有更多追求者？注意外表打扮其實非常重要，但要吸引男生不一定要露肉顯性感，可以參考以下根據調查統計得出五款男生最鍾意嘅女生造型打扮，為自己轉換一個催旺桃花新形象呢！
1）Oversize衛衣
Oversize衛衣係韓國女生近年大熱穿著打扮之一，有點慵懶嘅味道，又不失簡約美，厚厚衛衣都令人有想抱著丶保護嘅感覺，難怪男生們鍾情於女生穿着Oversize衛衣呢！
2）樽領針織衫配窄牛仔褲
樽領衣服令上身顯瘦，而貼身牛仔褲完美展露下盤線條，歐美女生都非常鍾情於呢種打扮，雖然穿著不裸露，但有非常性感嘅效果，而且搭配涼鞋或者高跟鞋都非常適合，保守嘅女生可以一試。
【延伸閱讀】2018最新流行色「Baby Light」瞬間變成混血女神
3）貼身連身裙
貼身衣物可以突顯女性身形美態，將S身型表露無遺，相當吸睛。喺街上回頭率亦非常高，男生們都不自覺地會多看哩類穿著嘅女生。
4）短裙配及膝襪靴
短裙已經性感，如果再加上及膝襪靴就更添性感，露全腿雖然係好吸睛，但若隱若現嘅性感就更加吸引，露出大腿一小部分，引人入勝，比露肉少布穿著法更勝一籌。
5）制服
制服本身就足夠誘惑，校服就更顯青春洋溢，不過，已非中學生嘅你，好難再重新買校服啦！不妨嘗試穿著套裝打扮，亦可以有同樣效果呢！
學懂討男生歡喜嘅打扮，就可以隨時增加人緣感，相信單身女生可以好快脫離寂寞流星群啦！
