香港都有唔少水塘，最岩呢就係一家大細或者對山系唔熟既年輕人，水塘部份係以平路為主，最考技術都只係行落水塘附近既位置，唔算難行！
而家就嚟介紹幾個數一數二既水塘比大家，好好利用週末既時間親親大自然！
-
藍地水塘
相信唔少人聽到屯門呢個地方都會即刻諗到「隔涉」同好多牛，但其實都有地方好去，藍地水塘對於屯門人嚟講都算係唔錯既後花園，落左山仲可以去藍地大街搵下嘢食。
藍地大街仲保留住好多小店，落山肚餓仲可以食埋飯，都有唔少選擇：泰國菜、茶餐廳同café 等等。
路線：屯門徑—藍地水塘 / 嶺南大學後山—藍地水塘
交通：
- 屯門徑出發：輕鐵杯渡站
- 嶺南大學後山：西鐵兆康站F出口
-
城門水塘
荃灣城門水塘可謂行山新手必行既路線之一，對唔少香港人嚟講亦都唔陌生，呢度既白千層算係香港難得一見既大自然景象，簡單嚟講，城門水塘易行同影靚相都真係一流！
**但提提大家，呢度都係好多馬騮出沒既地方，食物個啲都係好好咁放落袋啦！
路線：由小巴站終點：菠蘿壩起程—圍繞一周
交通：荃灣眾安街坐82號小巴：終點下車
-
大欖涌水塘（千島湖）
呢個水塘主要就用嚟遠觀，有航拍機既朋友記得帶埋去啦！沿途有部份路段就係斜路，同埋差唔多去到掃管笏既路段都要小心。
叫做千島湖都真係實至名歸，行到中段就會見到既景觀！
「神仙轍」係香港西域獨有既貧瘠劣地，形成沖溝，因為路面上都有唔少碎石，所以行起上嚟都要小心！
路線：元朗大棠—黃泥墩水塘—大欖涌水塘千島湖景觀—神仙轍—
掃管笏
交通：西鐵朗屏站坐K66：大棠巴士總站下車
