要數到近年最流行髮型一定非鮑伯頭莫屬，而當中亦細分為短髮、中長髮等各種多元化造型，讓人享受變髮樂趣。而最重要都係要搵出適合自己輪廓臉型嘅髮型，打造屬於自己、魅力滿分嘅鮑伯頭！
1）圓臉型
圓臉女生可嘗試染上帶有透明感嘅灰霧色髮色，搭配剪至眉上嘅空氣瀏海，打造充滿前衛感嘅鮑伯頭。另外，亦可將長度偏短嘅頭髮塞到耳後，就能成為令圓臉女孩更完美有型嘅時尚美髮造型。
【延伸閱讀】2018最新流行色「Baby Light」瞬間變成混血女神
2）長臉型
配合長臉型嘅鮑伯頭可利用一刀剪齊嘅髮尾，再加上稍微往外翹，喚醒你體內自然不造作嘅成熟韻味，造型輕鬆簡單係呢款造型魅力所在，俾人完全不同嘅時尚感覺。
3）鵝蛋臉型
呢款鮑伯頭可以激發出成熟女性魅力嘅同時，又俾人一種清純可人感覺。對於容易被誤會係長型臉嘅鵝蛋臉女生，可以靠呢種中長髮鮑伯頭打造出高魅力造型，出門上班一樣適合。
4）心型臉型
令整體輪廓呈現渾圓、飽滿嘅鮑伯造型有助修飾心形臉輪廓，再加上時尚感十足嘅摩登風格，最好搭配眉上瀏海，可以增加造型自然度，打造出更優雅有型嘅法式鮑伯頭。
5）大餅臉
建議大餅臉女生多嘗試呢種保留臉部周圍頭髮長度，整體髮型呈現前長後短嘅短髮造型，用較厚重嘅瀏海蓋住臉部輪廓，從而散發一股成熟韻味，打造高品味又優雅造型。
鮑伯頭除咗係潮流大趨勢，更可以改善面型輪廓，絕對係女生們必試造型！
