讀書忙，工作更忙！小學升中學，要同小學Fd子Re-U，中學升大學，又要同小學Fd子+中學Fd子Re-U；入到大學又係咁，再出嚟做嘢又係咁，轉工更加係咁！原來年紀愈大，需要Re-U 嘅次數就愈多。今次我地會探討下6個Re-U 好去處。
1. 窮人恩物－譚仔放題
每次個Whatsapp group 總有人話「好窮」、無錢，總之就係要「平令正」，但又要有「Gimmick」咁「譚仔放題」就最啱喇，放到成枱喺嘢食都唔怕貴=]
2. 港女至愛－High tea
影住幾層嘅Cup cake係咪好威威呢?又唔係嘅，但Weekend 成個Instagram都係High tea，咁無理由自己咁蝕底放少個。
3. 女人至愛－牛陣
唔好以為牛陣係男人至愛，其實女人更愛！除左可以喪食牛補血外，最正係啲菜任拎！滿足晒女人兩個願望！
4. 打卡經典－大瀛喜
係咪成日見到人地成日捧住隻大船，上面有齊刺身影相呢？10成9都係大瀛喜或者佢嘅分身（例如：吉壽）。大瀛喜一直係Gathering嘅至愛，上菜快狠準，有熱有凍野飲任拎甜品任食，美中不足係真係要一早Book位丫！尤其是係極上大瀛喜。
5. 家庭至愛－Butcher & Baker Café
大朋友帶埋小朋友，最怕小朋友悶，又要出動電子奶咀。係堅尼地城嘅Butcher & Baker Café係全港最出名嘅親子餐廳，又有汽球、乒乓球、糖果屋，咩都有得玩！好多時小朋友玩到唔願走！
特別推介：海底撈
國內要等幾個鐘位嘅海底撈嚟左香港喇！究竟海底撈同打邊爐有咩分別？食物味度種類上，我又講唔到太多，但只能夠講，海底撈係打卡新去處！
