「中學生應否談戀愛」喺一嗰電影／電視情節入面經常出現喺學校嘅作文題目。可惜考評局永遠唔會出呢類題目，學校亦唔會叫學生作文嗰陣寫呢類題目。事實上要回應「中學生應否談戀愛」呢嗰問題，係唔同「時空式」亦有唔同答法：
1. 做兵算唔算談戀愛先?
而家呢嗰香港社會，所有嘢都係Over-qualification：有學位嘅大學生做教學助理（Teaching assistant），做完先准升做教師；做雜差唔知幾多年，經內部計劃先可以升督察；近年甚至有大學生去考二級工人（Workman II），希望做到升助理小販主任，然後再升督察。戀愛亦一樣，而家已經無得話一「入職」就係做男／女朋友，好多時要先有由兵做，晉升階梯如下：
不過無人擔保有得升，正如有大學生一世做死雜差一樣。
2. 俾錢買又算唔算戀愛?
題目問中學生應否「談」戀愛。現今社會好多時戀愛唔係談返嚟，而家俾錢買返嚟。我知，我知，你想講PTBF/GF，無錯，PTBF/GF的確係其中一種買返嚟嘅戀愛。而家行業已經進化到唔係食嗰便飯收幾百蚊，係傾嗰電話已經收幾百，你話係咪好大需求呢？
總結嚟講，要回應中學生應否談戀愛嘅時候，首先要搞清楚，可謂「戀愛」，以及何謂「談」戀愛。
