大部分女生去到各地旅行嘅時候，相信都會到藥妝店購買最新大熱藥妝產品，要數性價比高嘅藥妝除咗日本之外，泰國產品亦非常出色，而且價廉物美。以下五款平價泰國藥妝，下次去泰國旅行嘅時候，可以去掃貨自用或者送俾親朋戚友做手信都唔會失禮。
1）Milk Plus 系列產品
Milk Plus 整個系列喺泰國知名度極高，產品包括有洗面奶丶潤膚露丶乳液，味道帶有濃烈牛奶味，而且品牌標榜含有 Coenzyme Q10丶牛奶蛋白等成份，為皮膚提供滋養功效，保持肌膚幼嫩，同時可以抗氧化。一枝裝只售大約港幣50元，價格非常親民！
2）Soap & Glory
Soap & Glory 推出一系列生活實用產品，包括淋浴露丶乳液等。產品包裝設計亦十分搶眼有趣，加上粉紅色主調，成功吸引一眾女生購買。
3）POND’s BB UV防曬粉
POND’s 防曬粉除咗有 UVA 及UVB 防曬功能，仲可以有效控油，只需將適量粉末拍上臉上，就可作定妝使用，令臉部保持乾爽，售價大約港幣18元。
4）Mistine 眼線液
好多網上博客都有推介Mistine眼線液，眼線液實用性相當高，而且非常持久，使用長時間都唔會化開，而卸妝方面亦唔難，性價比極高！
5）Snail White 美白霜
Snail white 蝸牛美白霜或者不及國際品牌嘅美白霜包裝精美，但Snail White 因為具有特別修護肌膚嘅功效，所以早已成為當地旅遊必買大熱產品。
到泰國嘅機程唔遠，而且當地物價亦唔高，所以以上五款平價實用嘅泰國藥妝絕對值得旅遊時入手試試！
