如果你同小編一樣屬於童真未減嘅「大細路」，就一定要去探下台灣一系列色彩繽紛嘅童趣景點啦！哩片小小嘅土地中竟然隱藏咁多不同風貌嘅小天地，無論係牆上嘅3D立體彩繪畫作還是巨型立體動物園丶粉色大象滑梯，都非常吸睛！以下就推介五個超療癒打卡點送俾每一位超齡兒童！！
1）ART-ZOO 藝術動物園
地點 :高雄統一夢時代前廣場
來自新加坡嘅藝術動物園，一共有12個主題區，係史上規模最大嘅氣墊式遊樂園，當中有立體嘅造型與鮮艷圖案，如此童趣嘅遊樂園一定要安排行程到高雄去一次啦！
2）宜蘭轉運站
地點 :宜蘭市宜興路一段117號
宜蘭已經係個觀光勝地，今次再介紹多個擁有粉嫩少女牆嘅打卡點，哩處絕對係拍攝好地方，身處樂園中必定要爭取時間拍低一輯粉紅照！順帶一提，下雨天因為怕濕滑所以戶外區唔會開放，出發前要記得查詢天氣狀況免得白行一趟。
3）板橋435藝文特區
地點 :新北市板橋435藝文特區
位於板橋嘅Q版小恐龍都絕對要報到打卡一下，如果你鍾意悠閑行程就一定要將435藝文特區恐龍寶寶裝置藝術納入清單！喺藝文特區裡面有一個小角落，滿佈繽紛彩虹漂浮傘，係拍攝好場景！
4）頂魚寮公園
地點 :台中市梧棲區八德東路
位處台中梧棲區嘅立體裝置藝術亦係必要朝聖嘅景點，而且係適合親子打卡一日遊嘅秘密基地！
5）埤頭繪本公園
地點 :雲林縣西螺鎮埤頭77號
公園係由雲林西螺在地嘅繪本藝術家馬哈地創作，以三合院為主題，營造一個充滿童趣感嘅景點，同時與另一位藝術家廖森茂聯手打造立體雕塑呈現於公園每一個角落中，令公園更添生氣！
香港人日忙夜忙，如果有機會到台灣不妨預留時間到以上景點走走，緩解生活煩憂之餘，亦可以重拾那份遺忘已久嘅童真！
