好多人去澳洲旅遊目的離不開衝浪浮潛丶極限跳傘或者餵袋鼠，如果你覺得以上項目已經無新鮮感，就快啲睇睇小編為大家整理嘅澳洲深度旅遊介紹，透過公路旅行丶國家公園探險丶體驗淘金鎮去了解澳洲哩處珍貴寶地，擁有與別不同又獨一無二嘅旅程！
1）尋找藍光蟲
位於澳洲黃金海岸嘅坦伯林山國家公園Tamborine，深處住著一種超特別嘅昆蟲，就係藍光蟲，藍光蟲棲息於洞穴內，散發著微微藍光，彷彿滿天星斗一樣，但佢哋並唔係螢火蟲，係比螢火蟲細小得多嘅昆蟲，就好似一粒沙咁大，又唔會飛，哩種夢幻星光其實係藍光蟲分泌嘅黏液造成。特別推薦一直嚮往螢火蟲但又怕大蟲子嘅人。
2）公路旅行
墨爾本大洋路Great Ocean Road被稱為澳洲最美公路，並多次票選為此生必遊景點之一，海浪持續千萬年拍打著岩壁，造就自然壯麗嘅海岸線景觀，再配合一大片蔚藍海洋，形成最美麗嘅海岸公路，沿途仲有著名嘅景點包括十二使徒The Twelve Apostles丶洛克阿德峽谷Loch Ard Gorge等等，超適合公路旅行！
3）國家公園探險
澳洲除咗有大家都鍾意嘅水上活動同極限運動之外，亦有野外探險活動，整個澳洲大陸共有500幾座國家公園以及16項列入世界遺產嘅自然奇觀，絕對係全球數一數二多，澳洲亦保留最原始嘅大自然面貌，任由野生動物穿梭生活，仿如一本自然百科全書。
4）登上紅土沙漠烏魯魯Uluru
登上澳洲紅土沙漠嘅巨岩烏魯魯應該係好多冒險家一生嘅夢想，哩塊巨岩係阿南古族人心目中嘅聖地，當地傳說現實與夢將交匯於此，而烏魯魯最有名嘅就係一日之中根據日照角度不同而呈現不同顏色，其中以黎明日落嘅火紅色及降雨時嘅銀灰色最受攝影師歡迎。
5）疏芬山淘金鎮
黃金喺澳洲歷史上扮演相當重要嘅角色，19世紀淘金熱繁榮，令好多金礦小鎮興旺起來，其中墨爾本附近嘅疏芬山就最有名，因此墨爾本又被華人稱為「新金山」。
如果準備到澳洲旅行嘅朋友，記緊將以上項目都記到旅遊名冊上，相信一定可以為你留下深刻難忘嘅回憶！
資料來源：Instagram.com
