長假又到啦！大家有無出國旅行嘅打算呢？如果鍾意陽光與海灘，以下落嚟介紹嘅五個粉紅色沙灘可能會適合你。迷人嘅粉紅色沙灘成因係由於海洋裏面浮游生物及珊瑚死亡之後，其外殼被海水沖到沙灘上，經過不斷堆積而形成，世界上比較罕見。
1.巴哈馬群島-哈勃島
位於哈勃島東面嘅粉紅色沙灘曾被美國時代雜誌評選為「世界上最性感海灘」，全長大約三英里而且沙質幼細，係著名嘅渡假勝地，亦係女生們心目中夢幻沙灘。
2.荷蘭加勒比區-波奈
波奈粉紅色沙灘不單止迷人而且具備完善水上活動設施，絕對適合水上活動愛好者前往，一邊玩樂一邊被幼細嘅粉紅色沙粒包圍，相當有趣。
3.印尼-龍目島
龍目島上擁有豐富天然資源，因島上遊客比較少，所以仍然保留著完整嘅自然景色，令粉紅沙灘多咗一份純淨天然嘅感覺。
4.希臘-克里特島
克里特島上粉紅色沙灘＂Balos Lagoon Beach＂係由一個小潟湖組成，而海灘上獨特嘅粉紅色細沙，配合暖和嘅海水，就成為當地旅遊秘景之一啦！
5.加勒比海-巴布達島
巴布達島位於大西洋與加勒比海之間，島上有一整片連綿不絕佈滿珊瑚沙的粉紅色沙灘，壯觀又浪漫，係拍攝嘅好場景。
如此美麗又浪漫嘅粉紅色沙灘，一生人值得要去一次，快啲抓緊假期安排一下行程啦！
圖：網上圖片
