生活係需要滋潤！最佳調劑生活嘅方式，莫過於出國旅行。小編每次去到不同國家旅遊，都一定一定去當地超級市場丶便利商店逛逛，因為商店貨品集中，方便購物，更可以對當地文化作初步認識。今次就為大家介紹來自韓國各大超市，超人氣又非試不可嘅食品，唔知當中會唔會有大家嘅心頭好呢？
1.Line袋裝飲料
韓國除咗滿街咖啡店之外，如果想搵其他當地特色飲品一定要試下便利店都有得賣嘅袋裝飲料，小編最推薦水蜜桃冰茶！清涼消暑！相當解喝！
2.三鮮海鮮炒瑪麵
呢款炒瑪麵食落真係唔覺得係即食碗麵！韓國出品嘅碗麵麵條非常爽口彈牙，去便利商店仔細觀察會發現，呢款即食碗麵人氣度好高，無論當地人定係遊客都好鍾意購買！
3.奶油大蒜爆谷
千祈唔好睇小呢款奶油爆谷，美味到不得了！絕對會令你一啖接一啖，尤其配合啤酒簡直係絕配呢！另有一款芝士口味亦都唔錯，值得一試！
4.冷凍芒果
炎炎夏日，最想食支冰消暑一下！呢款雪糕不止夏天賣得好，連冬天一樣超好賣，因為滿滿芒果清甜可口，而且喺韓國嘅新鮮芒果價錢比較高，呢款冷凍芒果簡直係完美嘅代替品，難怪大受歡迎啊！
5.洪錫天的拉麵
藝人洪錫天開設嘅餐廳，紅遍大街小巷，係綜藝節目〈happy together夜間賣場〉中，介紹過呢款超人氣商品，原本只係自家餐廳嘅宵夜，但因為太受歡迎就大量生產，不過都只係GS25出售，鍾意食辣嘅人一定要試試！
以上幾款部份係超市商店嘅鎮店之寶！記得去韓國旅遊嘅時候要試一試，如果唔係後悔就太遲啦！
