經常出國嘅朋友都一定享用過飛機餐，其實航空公司所提供嘅飛機餐不單止平日所見兩三種，當中更細分為多達五大類，包括宗教餐丶病理餐丶兒童餐丶素食餐及特別餐，今次小編就為大家介紹各款特別飛機餐嘅內容，有需要的話大家可以依照自身狀況選擇，預早向航空公司提出要求呢！
1）無牛肉/無堅果成分餐
無牛肉餐餐點都不含任何牛肉及牛肉相關產品。而部分人可能會對花生或堅果類過敏，嚴重的話更會影響呼吸道因而喪命，所以此類人士必須提前告知航空公司，一般航空公司都可以配合提早作好準備，滿足旅客需要。
2）嬰兒/兒童餐
嬰兒餐基本上係奶粉丶水果泥丶蔬菜泥等嬰兒食品，航空公司亦會根據不同嬰兒階段選擇不同奶粉。因為小嬰兒大多不能食固體食物，而且不同階段嘅孩童都會有不同飲食需要，而大部分航空公司會為2歲以上兒童提供可愛餐點，相當吸睛！
3）病理餐
部分乘客因為健康或疾病理由，對餐點會有特別要求，大多數航空公司只要於起飛前24小時清楚說明需要，一般都會盡量滿足，大家就可以享用到兼顧健康嘅飛機餐。最常見嘅糖尿病飲食餐就係專為糖尿病患者設計嘅無糖丶低脂丶高纖維飛機餐，普遍使用瘦肉或去皮家禽肉類丶魚肉丶海鮮丶高纖食物等等，非採用油炸食品。
4）宗教餐
世界有眾多宗教，不同宗教對飲食限制都各有不同，航空公司膳食部會針對不同宗教打造宗教飛機餐，而且由於各宗教對食材來源或製作過程都有嚴格要求，所以大多會為處理宗教餐嘅廚師設置特別廚房，以符合要求，可見宗教特別餐係相當嚴格而且講究！
5）素食餐
素食定義對於西方人與東方人可能有著不同定義，西方人嘅素食大多以追求健康為訴求，強調自然有機嘅烹調方式，避開使用地上動物作食材，其他海鮮丶雞蛋丶牛奶丶芝士都不屬於素食限制之中。然而，東方人大多因為宗教限制而禁食任何肉類，而奶丶蛋及香料都有限制及要求，所以當你向航空公司提出素食要求時，需要詳細說明。
經過上述介紹之後，大家應該對特殊飛機餐有更深入了解，下次出國就可以因應自身需要喺起飛前24小時通知航空公司，喺飛機上享用專屬嘅飛機餐，可以食得開心又健康啦！
