臨近二月，又喺繁花盛開嘅時候，有意計劃遊日嘅朋友，可以考慮一下去以下5個賞花秘景，感受一下春日氣息，而且情人節即將來臨，帶埋另一半去過一個浪漫又難忘嘅旅程就最好不過啦！
-
河津櫻花海
由東京出發到靜岡縣－日本最佳賞櫻點，著名河津櫻櫻花祭都喺哩度舉行，由於開花期比較早，預計2月10日至3月10日，正正橫跨2月14日情人節，相信將會成為好多情侶拍拖勝地。
-
茨城－偕樂園
日本三大名園其中之一偕樂園，裡面種有3000棵梅花樹，梅花盛放時相當震撼！只要由JR常磐線水戶站坐巴士往水戶站北口偕樂園方向，另外，係梅花開花期間（2月17日至3月31日)會有臨時電車停靠JR偕樂園站，非常方便。
-
靜岡－熱海梅園
要數到最早盛開嘅梅花園，一定係靜岡縣嘅熱海梅園，雖然規模比偕樂園小，但內裡都種有472棵梅樹，亦係一個影靚相嘅好地方。交通亦好方便，坐巴士由JR東海道線熱海站搭往相之原團地方向，15分鐘就到達梅園站。
-
東京油菜花海
位於東京近郊立川嘅國營昭和紀念公園，一年四季都適合賞花，特別4月上旬至5月上旬油菜花與櫻花同時盛開，如畫一般優美。遊客可以搭乘JR中央線到立川駅站再徒步15分鐘到達。
-
滋賀早開油菜花海
如果想睇最早盛開嘅油菜花海，就要到位於滋賀縣守山第一渚公園，花期由1月下旬至3月上旬，遊客有機會見到冬末飄雪與油菜花海編織嘅美景，相當特別！坐公車由JR琵琶湖線守山站大約25分鐘就可以直達守山第一渚公園，值得一遊！
計劃行程嘅時候不妨參考一下，抽半日至一日時候到花海放鬆心情丶充充電呢！
資料來源：日本觀光情報網
