香港人熱愛旅遊，無時無刻都計劃下一個旅遊目的地，最近英國旅遊指南《Rough Guide》發布咗由讀者票選世界上最漂亮嘅國家，假如你仲未決定好下個旅遊地點，就一定要睇睇啦！
第5位：南非
南非包含各種各樣嘅景觀，四季如春嘅氣候，時常艷陽高照好天氣，加上一望無際大草原、海灘、繁華小城鎮互相點綴丶互相襯托交織成多樣美麗景觀。
第4位：意大利
意大利內好多地區都擁有獨特風土人情及生活方式，各自擁有自己嘅意大利美食、語言、文化丶風景，遊客可以喺同一個國家感受到不同文化及風光。
第3位： 新西蘭
新西蘭遍佈自然好風光，到處都係湖泊丶山峰，每一個湖泊都有自己嘅美態，更有「世上最後一片淨土」稱號，配合艶陽襯托，更係美不勝收！
第2位：加拿大
加拿大擁有秀麗又原始嘅風景，而當中最著名嘅尼亞加拉瀑布及落基山脈內班夫國家公園更係遊客必去景點！難怪有好多港人都喜歡移民到加拿大！
第1位：蘇格蘭
蘇格蘭近郊地區有清徹美麗嘅海灘丶湖泊，加上宏偉嘅城堡，因而成功登上世界上最美麗國家首位！相信作為愛好旅行嘅朋友，一生人必定要到此一遊！
旅行對香港人嚟講，就係生活中不可或缺嘅一部份，參考以上資料，大家應該都有靈感可以規劃出自己嘅旅遊指南啦！
